Tuesday 11 June 2013

videos on youtube of Amna Yousaf

                                                    Mulki Salamatie by Amna Yousaf.

                                                 Na waday tairay by Amna Yousaf


Bhikari by Amna Yousaf

Aj mai nay daikha hai by Amna Yousaf (for Imran Khan)

                                              Watan say dour by Amna Yousaf (for Imran Khan)
                                                Na teer chaheyay by Amna Yousaf (for Imran Khan)

pyasay bachay


“Nangay or pyasay bachay bhook say bilaktay hain
Aik luqmay ke khatir, kaisay wou sisaktay hain
Baal un kay uljay hain or khushk chahray hain
Ansu un ke ankhoun say kis tarhan tapaktay hain
Mosamoun ke har sakhtie un pay youn guzarte hai
Bay-basie mai har lamha zindagi sisaktie hai
Zindagi ke mehroumi un kay naam ae hai
Bay-qasie ka har lamha, roh bhe sulagtie hai
Hum nay kab khushie koi un kay naam rakhe hai?
Zindagi adhourie hai sans bhe laraztie hai”
Amna Yousaf

Sunday 9 June 2013

baitean rang hotie hain


Baitean rang hotie hain by Amna Yousaf
Sunnay mai bara ajeeb lagta hou ga magar yea sach hay kay larkean ahsas ke banie hotie hain. Yea wou chirya hai jo jahan shakh-e-gul daikhte hai ek jhoula dal daite hai.
Larkean paida hotie hain tou Rehmat ghar mai aa jatie hai or ALLAH TALA us insan kay leay aasaniyan paida kar daita hai jis kay ghar mai baite ke wiladat hotie hai. Chotay chotay hath or shafaf chahray mai lagie chotie chotie heeray jaise jugmug karte ankhain jo sab logoun ko tuk tuk daikhte hain or lab manou koi pankhouri. Daikhtay he daikhtay wou maa baap ke ankhoun ka tara ban jatie hai.
Thore barie hotie hain tou baitean apne batoun say sab ka dil parcha layte hain. Kabhe apne totli batoun say tou kabhe masoom harkatoun say sab ka dil moh layte hain. Jaisa kay mughy yaad parta hai, jab mughy pahli dfa pta chalay kay mairay walid-e-mohtarram ke ammie un kay paida honay kay kuch arsay baad he inteqal kar gye theen tou main nay apnay nanhay hatoun say apnay abbu kay sar ko apne chote se goud mai rakhtay howay kaha, “mai ab say ap me mama houn dady,” shid is par hassie atie hou par baitean tou kisi an-kahay dukh ko bhe samjh layte hain. Maa kay baad shayad baitean he apnay walid ko us mamta ka ahsas dilatie hain jis sy kae pidri zamnay pahlay he mehroum hou jatay hain.
Aisay mai agar mugh say koi pouch baithay tou mai kahoun, “baithean rang hotie hain!” Baiteoun kay anay say ghar mai rang aa jata hain wou roz jab kisi nayay rang kay joray mai balbos ghar mai phirte hain tou lagta hai goya koi rang-birangi title baag ke sair ko nikli hou. Apnay daman mai sharam lihaz kay sath wou kae rishtay bhe lay kar chalti hai.
Apnay baap kay leay wou ek zamanat hotie hain gar koi bhe sath chour jayay tou ap mughy hamaysha apnay pass pain gy. “Abbu yea kaisay kapray pehan leay dejay mai istari kar doun,” “is bar Eidi milay ke tou abbu kay leay koi tohfa khareed lounge hamaysha tou mairay leay thaktay hain.”
Ammie kay leay wou aik sahayli hotie hai. Wou orat jo sarie duniya say apnay dukh chupayay phirte hai bill-akhir apne baite kay agay zindagi kay tamam dukhoun ka rona roo layte hai. Par maa say baite ka aisa rishta hota hai kay kabhe bohat say kaam kar day or kabhe kahay ammie muh mai niwala bhe ap he daal deejay.
Bhai behan kay sath apnay dukh sukh bannta hai tou kabhe behan ko poura din aik nae bhabi ke dastan sunanay mai guzar jatie hai. Or behan kay leay dosri behan aik ghanay pair ke chaoun, wohie Ghana pair jo khud tou tapti dhoup ke garmi sah lay par kabhe apne chaoun mai baithay kisi insan ko na sahnay day.
Aik umar tak aik ghar ko apna bana kar chalet hai or phir achanak usay pta chalta hai kay ab bachgani harkatoun say kuch nhe hou ga, ab dosray ghar jana he hou ga!
Aik taraf aik nayay khandan ka sath tou aik taraf barsoun kay ghar say dour rahnay ka dukh. Shadi mai sara waqt muskuranay walie dulhan ko lagta hai yea us ke zindagi ka sab say pyara din hai or wou duniya mai sab say zrorie hai, par jab rukhsatie ka waqt qareeb ata hai tou larke ka dil baithnay lagta hai or baite paraya dhan hai, yea baat sabit hou jatie hai. Phir kabhe ankhain babul ko tou kabhe amma par parte hain or saray pyaray lamhoun ke film ankhoun kay samnay chalnay lagte hai. Apne ankhoun mai ansuoun ka sailab leay apna naya ghar basanay larke peaa kay dais sudhar jatie hai.
“Mai yahan kaisay rahounge? Mughy tou yea maloom bhe nhe kay in sab ko kaise batain, kaisa khana kaisa rehan-sehan pasand hai.” Aisay mai sasur mai baap, saas mai maa ko dhoundhnay lagte hai. Thoray he arsay mai wou khandan is qadar apna bana layte hai kay ahsas he nhe honay daite kay kabhe yea ghar is kay leay paraya bhe tha.
Apne zimaydarie ba-khoubi nibhatie hai, sukh ka raasta hou ya dukh ka wou apnay sathi ko nhe chourtie.
Orat ka har roub apne jagha bay-had khoubsourat hai magar maa, maa ke missal tou kaheen bhe nhe milte. Ab orat ke wohie pasand jis mai us kay bachay khush rahain. Rotiyan char or khanay walay panch hou jain tou mai aksar sochte houn,us waqt sirf aik maa ko he bhook kun nhe lagte? Aungli pakar kay chanla seekhatie hai tou tab tak ungli nhe chourte jab tak sansoun ke dor kat na jayay.
Yea orat kya hai? Kya amm hai ya khas? Shayad aam kay leay amm or khas logoun kay leay bohat he khas. Apne zaat ko kaheen pechay chour atie hai yea orat. Yea baat wou tou jantay hain jin ke zindagi mai in pyaray rishtoun ke kamie hai. Kabhe kabhe tou lagta hai larkean bohat ameer hotie hain jo itnay rishtay aik sath lay kar chaltie hain or kabhe larkean us goond ke manind lagte hain jis ke wajah say bohat say ghar aik sath juray rahtay hain. Sach hai, Hawa (A.S) ke baitean rang hotie hain.
Minjanib,
Amna Yousaf
{an article by Amna Yousaf}

Saturday 8 June 2013

wou ja chukie hain


Maire ammiejaan  kay leay (ALLAH unhain Jannat-ul-Firdos mai jagha day Ameen:
"Wou jaa chukie hain or takseem maire zaat hai ab
Din tou roshan hai magar mairay leay raat hai ab
Maira kirdar tha ya kahkahounge ke gonj thee par
Tairay janay say kahan mugh mai bhe wou baat hai ab?
Maire nadaniyoun py hasna or hastay jana
Na taira sath hai na lamha wou hayat hai ab
Baywajah ankh say tapka tou nhe hai ansu
Tairay janay kay baad mosam-e-barsaat hai ab"

Friday 7 June 2013

Baitay dhal hotay hain


Baitay dhal hotay hain Amna Yousaf
Baitay maoun ke Duaoun ka samar hotay hain. ALLAH TALA ke naimat hotay hain yea baitay. Darasal baitay souraj ke kiran hotay hain, jab wou paida hotay hain tou maa baap un say dharoun ummeday laga laytay hain.
Jab bachpan mai baap ke filoun ko chairnay lagay tou baap kahta hai maira businessman baita. Agar khilonay laytay waqt koi jahaz lay lay tou maa kahte hai maira pilot baita. Gar chot lagnay pay pattie bandnay lagay tou taya ka doctor baita or agar khilonoun ko khol kar theek karnay lagy tou mamo ka engineer baita. Aisay mai koi pouch baitay, “baita ap kya banou gy?” tou foran totla kar bolta hai “dhoula banou ga!”
Hamaray maashray mai larkeoun ko yea ijazat hai kay wou apnay dukh zahir kar skte hain waheen larkay bachpan mai bhe chout khanay par yehe suntay hain, “ chalo g! larkay rootay hain kya?” Phir wou yea baat zehan-nasheen kar laytay hain, chahay andar aik tsunami thama hou par ankh say aik ansu bhe nhe tapakta. Larkay folad jaisay hotay hain jin ka maqsad apnay khandan ko har bouri nazar say dour rakhna hota hai.
Baitay apne maoun kay bohat qareeb hotay hain. Maoun kay leay tou baitay dhal hotay hain. Hazrat Asiya (R.A) nay bhe jab Hazrat Mosa (A.S) ko daikha tou un ko apne ankhoun ke thandak qarar dea. Baitay chahay jitney bhe sakht jaan houn sirf maa kay ansu he un kay dil ke deevar ko geela kar sktay hain. Pardais mai apne maa ke rotie ko yaad karnay walay baitay darasal zeest ke jidojehad apne maa ko achay kapray dilanay kay leay he shuru kartay hain.
Apnay baap kay leay baitay dayan hath hotay hain. Jahan aik umar tak sab zimaydarian baap akayla he lay kar chal raha hota hai, baitay kay anay say yea yakeen hou jta hai kay ab zimaydarian but jain ge. Baap ke dant say bhe kabhe narazi honay ka izhar nhe kartay.
Larka tou tabhe baap ban jatay hain jab ghar kay angan mai behnain khailnay lagte hain. Behnoun kay sath hasnay khailnay wla yea bhai bahar aik shaheen jaisa hota hai or is baat ka khas khayal rakhta hai kay koi bhe us ke behnoun ka baal bhe banka na kar sakay. Bhaiyoun kay leay bhai dost hotay hain. Jitna lartay hain pyar utna he barhta chala jata hai. Bachpan mai masti khud kar kay ilzam bhai py dainay wala yea larka ab ilzam apnay sar laynay lagta hai, chahay galti apne na  bhe hou.
Phir larka aik bandhan mai bandh jata hai. Yea darasal aik imtehan bhe hota hai larka jitna bhe Mazak karnay wala hou ab bohat durd-bar hou jata hai. Apnay humsafar kay sath chalnay kay leay wou apnay ap ko behtar bananay ke koshish karta hai. Us ke tamam tar kawishain hotie hain kay ghar mai kabhe koi larae na hou. Is baat ka bharpour khayal rakhtay howay kay larke apna basa basaya ghar sirf us kay sath kay leay chour kar aa gye hai wou apne ahlea ka or bhe sath dainay lagta hai.
Jis larkay ke kabhe ankhain num nhe hoteen olad ka zahor honay pay wou bhe apnay ahsas ko chupa nhe sakta. Phir tou zindagi mai aik maqsad sa mil jata hai. Sakht tareen garmi hou ya hatoun ko barf kar dainay walie thand baap kabhe nhe rukta. Baap bourha bhe hou jayay tou bourhay shajar ke tarhan hamaysha apnay bachoun ko chaoun faraham karta hai.
Yea baitay ghar ke mazboutie hotay hain. Ma kay laal hotay hain tou baap kay shahzaday hotay hain. Behnoun ka tahafuz tou baiteoun kay dost. Yakeen maaneyay, baitay dhal hotay hain!
Min-janib,
Amna Yousaf.
{An article by Amna Yousaf}


Thursday 6 June 2013

kabhe tou sochou


Kabhe tou sochou by Amna Yousaf
Hum apnay iphones or laptops ko panay kay leay is qadar koshaan rahtay hain kay rastay mai chaltay baybus log bhe hamain dekhae nhe daitay. Kae log apne gareebi mang kar dour karnay par majbour, tou kae safaid-posh log laboun ko seetay howay apnay dukhoun ko dil mai samait laytay hain.
Humain jhirak kar yea kahna tou ata hai, “kya kar rhy hou yea mangnay ke nhe school janay ke umar hai!” magar inhain school bhayjay kon? Kabhe tou sochou!
In masoumoun ke kya galti jinhoun nay ankh kholi tou gurbat or aflas mai. Jin kay pass khanay ko kuch nhe tou logoun kay phainkay howay ko kouray say chuntay howay apna pait bharnay lagtay hain. Kya yea manazir sabhe nay nhe daikhay? Zamana is qadar sang-dil kun hai kay apnay bachoun kay leay tou tarhan tarhan kay khanay bnayay jatay hain, kay kaheen bachay khana psnd na honay ke wajah say bhoukay na soo jain. Khowahisaat kya sirf ap kay bachoun ke hain? Wou ap ka khoun nhe tou kya ap un kay leay kuch nhe kar saktay? Kabhe tou sochou!
Jaisay hamaray leay pariyoun ka dais, waisay he un kay leay taleeme-idaray. Jab kouray mai kaheen kagaz milta hou ga tou phout phout kar rotay houn gy or sochtay houn gy, “hayay hamare qismat! hamaray leay tou sab daikhnay walay andhay or sunnay walay behray hain.” Kabhe tou socho!
Hum apnay school, college or university ke canteen mai tou hazzaroun kharch kar laytay hain par yea kun nhe sochtay agar us mai say kuch paisay hum in bachoun ke taleem kay leay day dain tou hamra dil mutmain honay lagay. Khuda janay hum baylos hona kab seekhain gy? Har cheez say raqam mai izafa hou aisa zrorie tou nhe, sakoun ke dolat kay bagair tamam heeray jawahrat raq ke manind hotay hain.  Kabhe tou socho!
Hamari tou aise adat hai gar abbu ya ammie say dant parh jayay tou aisay humak kar ronay lagtay hain jaisay hum say zda bechara is duniya mai na paida howa na hou ga. Kisi cheez ke khowahish karain or wou na milay tou pagal-pan kay aisay doray parnay lagtay hain kay sambhalay na sambhalain. Hamari zroratoun ka khyal tou hamain hai par or kisi ke zrorat ka kabhe tou socho!
Humain youn tou tijarat ka bohat shoq hai phir ALLAH SUBHANWATA’ALA say kun nhe kar laitay. Us kay bandoun ke madad kar kay Us zaat ko yea ahsas kun nhe dilatay kay hum waqae he apnay bhaiyoun behnoun kay leay wohie kuch pasand kartay hain jo kay apnay leay.
Waqt ka kya hai yea tou kisi tarhan guzar he jayay ga. Ameere hou ya gareebe zeest tou guzar he jatie hai par kisi girtay ko tham laynay say faida us girtay admi say zda hamra hai, kun kay hum nay tou kuch dunive cheezan us insan ko deen par us kay badlay, ALLAH TALA hamain kae gunah nawazta hai. Ikhtetam mai apne nazam kay qatay say karna chahte houn:
                        “kabhe tou sochou, kya hou ga un ka
                          Har gaam pay jo mizah hain bantaay
                         Sab apne duniya, hata kay thoora
                         Unhain bhe apna samjh kay daikhou”
Minjanib,
Amna Yousaf
{An article by Amna Yousaf}

Wednesday 5 June 2013

Kava chala hans ke chaal by Amna Yousaf


Kava chala hans ke chaal by Amna Yousaf
Kahnay ko tou hum aik azad mulk mai sans laytay hain par sochte houn tou yea ahsas hota hai kay ab bhe hamaray zehan unhi ke gulami kar rhy hain jin ke gulami say bachnay kay leay hamaray guzrgoun nay apne gardanain katwa deen.
Aj hamarie qoum ko Urdu bolnay mai mano sharm se anay lagie hai or kisi kay agay yakay-e-baad degray Urdu kay kuch jumlay bol tou toun youn lagta hai goya kisi angrayzi kay aashiq ko Himaliya ke chotie par khara kar dea hou or wou kinaray pay khara kah raha hou “or Urdu mat bolna warna mai chalang laga doun ga!”
Nihat afosos say kahna parta hai hum shayad Magribi logoun say bhe zda Magribi honay ke koshish mai hain or aisa haal hou gya hai kay ab yea mohawra hum par musadik ata hai kay, “kava chala hans ke chaal or apne chaal bhe bhool gya.” Mai kisi sourat yea manay ko tayar tou na thee kay hum kavay or Magribi log hans hou gyay par sochnay ke zrorat hai, hum khud apne is halat kay zimaydar hain!
 Ab tou yea alam hai kay khushi bhe Magribi or dukh bhe Magribi, gussa bhe Magribi or pyar bhe Magribi. Khushi hou tou hawaoun mai angrayzi geet gungunatay chalay jatay hain, han baat yea tou sach hai kay humain ilfaz yaad rakhnay mai maharat hasil hai, par asal maza tab ata hai jab hum apnay muh ko tor mor kar usie gulukar ke tarhan apna lehja bananay lagtay hain jis ke moseke say lutf-andoz hou rhy hotay hain. Dukhie houn tou social media par dhara-dar angrayzi kahawatain post karnay lagtay hain, maloom youn hota hai jaisay aj tak koi Urdu adeeb, shair ya column-nigar dukh mai mubtala he na howa. Phir atie hai gussay ke barie, gussa tou khair hum sab ke naak par dhara rahta hai koi baat hou na hou hum nay yea tou dikhana hota hai kay hum nay angrayzi galioun ke lugat zabani yaad kar rkhe hai. Baat baad mai gali pahlay or baroun kay samnay agar pourie gali nhe day sakain tou code say kam chala laytay hain. Pyar bhe ab teen ilfaz walie aik chirya ka naam hai jo jitney jalde atie hai utnie he jalde par phailayay urr bhe jatie hai kun kay hum nana-nani, dada-dadi or ammie-abbu ke kahaniyoun say kae zda Romeo and Juliet or Valentine ke kahaniyoun say mayzouz hotay hain.
Humara taleeme nizam bhe isi gulami mai dharam bharam hou gya. Na hum Urdu kay khandan ka hisa rahay na pourie tarhan angrayzi jaan sakay goya “adha teertar adha batair.” Halakay humarie kitabain shayad Magribi mumalik mai parhae janay walie kitaboun say kafie motie hain par baat sirf lafzoun ke qatal ke hai tou nhe, wagarna kitabain parhnay par he oujrat mil jatie. Hamain kitaboun say tou ishq hona he chyay par duniya ke haqeqat say bhe waqif hona chayay.
Is baat say mai poure tarhan itefaq karte houn kay har mashray mai bohat se masbat batain hotie hain or wou qoum khud mai nazm-o-zabt ke aik missal hai. Tou hum kuch masbat kun na seekh sakay? Hum raddie ko raadie ke tokri tak kun nhe lay jatay? Hum dakhil hou kay pechay anay walay k leay darwaza khol kar kun nhe rakhtay?  Hum har waqt apnay charay par tabasum thahrnay say kun dartay hain?  Hum qaatar mai khara hona apne toheen kun samjhtay hain?
Darasal baat sirf itne hai kay us qoum ke masbat batain bhe hamara Deen hamain seekhata hai par janay kun hum apnay Deen ka taqub waheen tak kartay hain jahan tak rasae hamain asan lagte hou.
Min-janib,
Amna Yousaf.
{an article by Amna Yousaf}

hamari zindagi k

maire khala kay leay:
“Hamari zindagi k moor saray tum say hain
Hamarie ankh k saray khooab tum say hain
Hamain maa mil gye phir bhe tumhe nay pala hai
Hamarie khushiyoun k agaaz saray tum say hain
Hamray naaz uthana tumharie adat hai
Hamraie adataain khrab sarie tum say hain
Tumharay sath ajab sa he apna nata hai
Hamarie zindagi k kaam saray tum say hain”


Tuesday 4 June 2013

Bhai mat kaha karou!!! by Amna Yousaf


                                                      Bhai mat kaha karou!!!
Jab kabhe mai logoun ke soch ko tatoltie houn tou kuch ilzam baramad hotay hain. Darhaqeqat wou ilzam kaheen na kaheen har larke ko sochnay par majbour kar daitay hain kay, kya ab koi pak-daman khatoun is duniya main sans nhe lay raheen?
Tanqeed hamaray ma-ashray mai kuch zrorie se hou gye hai. Larkeoun or ortoun kay kaproun say lay kar mizaj tak ke tahqeeq darasal tanqeed he hotie hai. Yea duniya aj bhe mard hazraat ke khamie btanay mai kuch pashaymaan se lagte hai. Is sawal ka jawab tou mairay pass nhe par maira demag is baat ko quboul nhe karta.
Facebook par aksar posts khawateen kay leay aik sawalea nishan hotie hain kun k mard hazrat aksar yehe baat karna chahtay hain kay ab ke orat izat-dar nhe ya shid utni izat-dar nhe jitney pahlay howa karte thee.
Agar koi larke kisi larkay ko bhai kah day tou achanak qayamat barpa honay lagtie hai. Youn lagta hai us shaks nay zameen phatie pae or us mai dhansnay laga goya koi bay-yaar-o-madadgar insan chila kar madad mang kar kah rha hou “bhai mat kaha karou!”
Jab yea baat larke kay kanoun tak pohanchtie hai tou usay yea ahsas hota hay jaisay us shaks ka pao taway par rkha howa tha or wou jalan kay maray karrah raha tha. Majbouran wou na-dan pouch baithtie hai “bhai kun na kahoun?” or larka jhat say kahnay lagta hai “hum dost bhe tou hou saktay hain na.”
Ab mai sirf larkeoun ke himayat kartay howay zayda ache nhe lagti, is leay maannay ko tayar houn kay 80% larkean us formulay par amal kartay howay “bhai” lafz ko koura kirkat smjh kar kisi gehre khae say nechay phaink daite hain.
Par kuch apne tahzeeb ka taranga garnay kay leay saf saf, bagair kisi dikat kay kah daite hain, “baat karne hai tou bhai kahounge warna baat nhe karne mughy!” yea jaantay he larkay kay bayain bazou mai dard uthnay lagta hai jis ke lahrain dil tak pohanchtie hain, youn lagta hai jaisay dil ka aisa dora para hai kay bachna mushkil! Barie mushkil say larka apnay bayjaan dil ko sambhalta hai par anna totnay par nihayat soogwar hota hai. Ab dou he rastay hotay hain, ya tou bhai kahalwanay par amada hou jayay ya phir batmeze kar kay us larke say jaan chura lay. Ab mai larkoun ke bhe zda himayat nhe karte. is leay 80% larkay jhat say kuch nazayba ilfaz istemal kar kay apne jaan chura laytay hain.
Isi kashmakash mai hum yea baat bhoul jatay hain kay “bhai” ya “behan” kahnay say izat ghattie nhe balkay or bhe barh jatie hai. Or maira tajurba kahta hai, agar koi izat day rha hou (wou bhe muft mai) tou lay layne chyay. Izat or tahzeem koi murda lash tou nhe, kay mattie parhnay par dafan honay lagay. Hum aj tahzeeb khatam honay ka rona kun rotay hain, jab hum he is kay qatil hain?
Mai nay ap ko is article kay zaryay aik barie zrorie baat say aagha karnay ke koshish ke hai kun kay aj kal kay nojawan kahen na kaheen us masoumeat ko khatam kar rhy hain jis say hamarie tahzeeb numayaan hotie hai.
Min-janib,
Amna Yousaf.
{An article by Amna Yousaf}
https://www.facebook.com/amnayousafpoetryofficial?ref=hl


Imran Khan Pakistan

"Na teer chaheay na shair chaheay 
Is mulk ke mitie ko ab Imran cheyay
Wou he jou aa kay gandie sayasat ko mita day
Asa he ab hamain bhe hukmaraan chaheay
Aaywanoun say kargis ko jo bahar nikal day
Is mulk ko aisa jarrie insaan chaheyay
Wou he jo nae qoum ko shaheen banayay
Asa he admi koi zeeshan chaheyay
Is qoum ke soe howe taqdeer jo badlay
Mazloom qoum ko wou maharbaan chaheyay
Wou shaks jo mitie mai lahou daikh kay royay
Asa he gareeboun ka nighaybaan chaheyay
Is amna nay daikha hai yea mulk oujartay
Jo mulk sanwaray wou qadarbaan chaheyay
Balay pay ja kay ap bhe mohahar lagaeyay
Jo zeeshaoor ap ko ka nigraan chaheyay
Mugh ko tou yakeen hai tsunami lay kay ayayga
Mugh ko bhe naya aj Pakistan chaheyay"


umeed hamari Imran Khan

"Watan say dour mughy ghar ke yaad atie hai
Judaie aj bhe mugh ko bohaat satatie hai 
Mughy umeed hai Imran lay kay ayayga
Wou qoum jis ko kabhe nend nhe atie hai
Zamanay baad koi hum ko hai mila aisa
Jisay junoon ke bolie samjh mai atie hai
Tsunami aye hai tou inqalab layayge
Yea badle rut hamain paigham yea sunatie hai
Hamain sarkoun ke nhe qoum ke zrorat hai
Jo qoum hou tou wohie mulk bhe chalatie hai
Hai amna ka yea paigham ay watan walou!
Jawan hou khara tabdele tab he atie hai"


imran tou sah

“Imran tou sah lay ga lakin tum loog na ab sah paou gy”

Yea watan bachaana hai tum ko ab kab tak jaan churaou gy
Ab khud kay gareebaan mai jhanko kitnay ilzam lagaou gy
Yea waqt hai khud ko badlou tum, kab tak tum har manaou gy..

subhay-no aa rhe hai

“Subhay-no aa rahe hai kay ab hashyaar hou jaou
Waqt soonay ka nahe hai kay ab baydaar hou jaou
Isay socho mai mat talo yea aik roshan gharie hai
Yea lamha faislay ka hai kay ab tayar hou jaou”

mulki salamati or baqa

“Mulki salamatie or baqa kay leay
Kuch na kuch kejeay Khuda kay leay
Mulk tum say sawaal karta hai!
Kya larou gy maire wafa kay leay…”

yea josh ab bhe

"Yea josh ab bhe sath hai kabhe ghatay ga nahe
Jo chal para hai karwaan wou ab rukay ga nahe
Taira lahou jo baha ankh num howe hai maire
Yea asa hukmaran hai choot say jhukay ga nahe
Kay ab nahe hai dour roshni na subh ke kiran
Yea asa pak dea hai jo ab bujhay ga nahe
Hazaar baar gira phir bhe khara hai daikhou
Wou khara admie hai haq say ab phiray ga nahe
Zamanay baad bhe yea yaad rahay ga tum ko
Yea asa ism hai jo ab kabhe mitay ga nahe..."

aj mai nay daikha hai

“Aj mai nay daikha hai!!
Aj mai nay daikha hai 
admi ka gir jana
Admi kay girnay say 
sab kay hath uth jana
Rab ke bargah mai phir
sath sath lab hilna
Or lahou bahnay say
aasoun ka bah jana
Aj mai nay daikha hai!!!
Aj mai nay daikha hai!!!
raat main na soo pana
Or soo bhe jaou tou
ankh ka youn khul jana
Rab say phir Dua karna
Us kay phir tasavur mai
ashqbar hou jana
Aj mai nay daikha hai!!
Aj mai nay daikha hai!!!
Lehja us ka daikhou tou
kitna ab bhe pukhta hai
Us kay pukhta lehjay say
pur-yakeen hou jana
Wou tou itna kahta tha
qoum mai banaounga
Us kay choot khanay say
qoum ka youn ban jana
Aj mai nay daikha hai !!!
Aj mai nay daikha hai!!!"


tum kah dou

"Tum kah dou in ayaaroun say
Sarkoun kay thaykaydaroun say
Nayzoun kay alambardaroun say
Yea mulk hamara apna hai!!!
Yea mulk hamara apna hai!!!
Iqbal ka sacha khoab hai yea
Taabeer nhe tum logoun ke
Qaid nay bnaya hai is ko
Jaageer nhe tum logoun ke
Yea mulk hamara apna hai!!!
Yea mulk hamara apna hai!!!"


tum he yaad

"Tum he yaad aou gy!!!
Waqt beet jayay ga
Lamha tehar jayay ga
Tum ko kya pta kaisay
Jab koi bhe ghar ko phir
Kameyaab lotay ga
Us ghari ka socho tou
Tum he yaad aou gy!
Sarkain sab bnain gy
Pull bhe sab banain gy
Bijli lay kay ain gy
Motarain banain gy
Gariyan chalain gy
par yea soch low tum bhe
qoum jab banay ge tab
Tum he yad aou gy!
Zakham jab lagay ga tab
Khoun jab bahay ga tab
Koi gar na ghabraya
Or jhuk kay na aya
Sar utha kay wou aya
Yaad itna tum rakhna
Tum he hou wou sarmaya
Jis ko tak kay lab kah dain
Tum he yaad aou gy!!"




abhe say nhe girna

"Chalo utho kay abhe say nhe girna hai hamain
Sang rayzoun py hai chalna nhe thakna hai hamain
hou ge har gaam py chubhan nhe rukhna phir bhe
Nahe hai dour ab manzil abhe chalna hai hamain
Mai chaloun ya na chaloun soch yea nahe rakhna
Rah-e-insaf pay hum hain, nahe hatna hai hamain!!!!"

na waday tairay

"Na waday tairay sach lagtay na ab kasmoun mai dum taire
Barie bayjaan lagte hai mughy ab guftagou taire
Wafa ke rait geele par nishaaa hain bus tou shikwoun k
Na ab jazbaat wou mairay, na ab wou baat hai taire!
Bara baydard hou kay tun nay mairay khoab kuchlay hain
Na ab hou phir kabhe aisa, hou mugh ko jistujou taire
Gila na lab pay ata par tun mughy say pouch tou layta
Kay ay pagli mughy batla, khata is mai kya hai taire?
Hum apnay saray armaa daikh, ashqoun mai badal baithay
Tun kahta, kun bhala kajal hai bahta ankh say taire?"


jo akayla chal niklay

"Jo akayla chal niklay, dour us ke manzil hai
Karwan chalanay mai umr beet jatie hai
Baat rah-e-haq ke hou, baat phir watan ke hou
Baat ko mananay mai umr bet jatie hai
Silsilay ghatanay mai aik pal nhe lagta
Rabtay barhanay mai umr beet jatie hai
Hum kay janib-e-manzil pohanchay satra saloun mai
Ghaznawi kahlanay mai umr beet jatie hai
Manziloun par ja kar jo kashtiyan jala dalay
Hoslay wou lanay mai umar beet jatie hai
Neend mai jo khoyay thy, kho kay apne azadi
Qoum ko jaganay mai umr beet jatie hai
Jaa watan ko sonpi thee, ghar bhe waar rakha tha
Ghar ko phir banana mai, umr beet jatie hai!"


corruption

"Corruption kay in andhay buttoun ko torna hou ga
Yea farsouda riwayat “dhandli” ko chourna hou ga
Shiraza qoum ka jou bikhra hai ay watan walou!!!
Taasub mai ghirie is qoum ko ab jorna hou ga……"

baat kuch bhe

"Baat kuch bhe kahne hou or kuch kahie jayay
Gol gol kahnay mai baat wou nahe rahtiee
Roz roz milnay say, roz anay janay say
Zayda baat karnay say baat wou nhe rahte
Baat jab nikal jayay or kuch na ban payay
Baat ko dabanay say baat wou nhe rahte
Mar dhar karnay say, hukum phir chalanay say
Phir tarrie laganay say, baat wou nahe rahte
Gir kay sab ke nazroun say, phir say koshishian karna
Qad ko phir barhanay say, baat wou nahe rahte!"


pariyoun sa raaj

"Tazray lakh mairay rishtaydar kartay hain
Or sab ka yehe kahna hai pyar kartay hain
Baat itne se hai tum say milie tou jana 
Taire janat mai hum pareoun sa raaj kartay hain
Mai kisi baat say uljhooun tou mana mat karna
Hum usay chairtaay hain maan jis pay kartay hain
Mugh ko nidim sa lagay or mai maafie mangoun
Maaf karna kay hum tou pyar dil say kartay hain
Loog mahboub kay kissay bayan kartay hain
Hum tou tairay he naam apne gazal kartay hain
Mughy tou baywafi or wafa ka hai na pta
Par yea sach hai jahan houn yaad tum ko kartay hain
Mugh ko parwan charhanay mai hath hai taira
Dil say hum shukar taira maire jaan kartay hain"


purani shaira

“Maire maa sochte thee bholi maire rani hai
Maire baite ke ajab se he kuch kahani hai
Is ko ata hai mehfiloun mai kuch batain karna
Darasal rouh yea sadyioun koi puranie hai
Isi doran logoun nay kaha bus dhoul hai yea
Han wohie dhoul nasl jis ko ab chalanie hai
Hamaray wasatay kantoun ka intezam karou
Main nay khud mai abhe bardasht bohat lanie hai
Waqt bayrayham na ban kuch tou mairay shair ko sun
Mairay andar bhe aik shaira puranie hai
Maire nazmain suno logou tumhain pohanchani hain
Abhe say tung na parou baat yea sayani hai”


paki gal (punjabi)


“Paki maire gal ne beba
Dil wich raynda dar ne beba
Oukhay vailay hurn na aawrn
Na howain toun tung ne baba
Hasde kareyan taiz nay turde
Tay maathie gham de soeyan beba
Thanday pasay sab da rukh ay
Ttyan tay rakhda pair ne baba
Sochday raynday tur na sakday
Ruk janday nay gaam ne beba
Utoun saray shair he lagday
Dil day khotay yaar ne beba”

gharailou orat

"Part 1:
Tanhaeyoun mai tanha gar chour bhe dea tou…
Maire zindagi mai is ka akhir kya asar houga?
Tum jantay bohat hou hamain kuch pta nhe hai…
Mughy dant bhe dea tou akhir kya asar houga?
Tum paisay ghar ko latay or mai gharaylou oorat…
Mughy tum gulam kah dou akhir kya asar houga?
Tum pay hay zimaydarie mai houn nihal rahte…
Mughy kaamchoor kah dou akhir kya asar hoga?
Dheema na lahja rakhna warna bigaar dou gy…
Mughy is tarhan kahou gy akhir kya asar houga?
Part 2:
Aik lamha dou minute he gar baith k yea socho…
Gar pyar say bulaou akhir kya asar houga?
Gar ap thak gyay hain tou mai bhe thak gye houn..
Mughy ko yea aa k kah dain, tum kun thaki howe hou?
Bartan bohat paray thy? kapray ya dho raheen theen?
Tum ab yaheen pay baithou, tum ko mai kuch khelaoun…
Tou kya mai na uthounge? Khana na la kay dounge?
Mai sab wahie karounge par khush bohat rahounge…"


hoslay

"Na kbhe tum nay dukh deyay hotay
Na kabhe un kay hoslay hotay
Kash mairie bhe kuch qadar hote
Kash mairay bhe din phiray hotay
Ab kay latay hum yea tabdele
Dil kay rishtay na yea banay hotay
Waqt guzra tou yea khwahish ke
Kash tum zndagi mai na hotay"


bhikari

“Kabhe kashkol utha kar unhain izat nhe miltie
Unhain koura he milta hai nae rotie nhe miltie
Kitabain un kay leay sirf toota khoab hotie hain
Unhain chaalay tou miltay hain nae joutie nhe miltie
Jinhain sab daikh kay he ankh apne phair layty hain
Unhain ansu he miltay hain khushi un ko nhe miltie
Barie hastar bhari nigah say wou sab ko taktay hain
unhain sikay tou miltay hain kalam un ko nhe milte
tumain wou daikhnay ko tou baray kumzarf lgtay hain
tumhain sab kuch hai mil jata tumhain mushkil nhe milte
unhain is tarhan haqarat say saray daikh laytay hain
khuli sarkain he miltie hain kabhe par chaat nhe milte
unhain gali bhe milte hai unhain thapar bhe partay hain
yea sab milta hai gareboun ko mohabaat nahe miltie”


maan jao

“Baal ke khaal utarou na smjh jaou abhe
Aray mai kan pakarte houn maan jaou abhe
Baat ka maire wou matlab nhe tha manoo tou
Maira dil aaina hai is mai jhank jaou abhe
Aik zamanay say hai bacha tairay andar soya
Is bahanay usay aik baar jaga jaou abhe”

zeest

“Yea zindagi saza hai maza ab nahe rahie
Shayad kay nour taire zrorat nahe rahie
Is zeest ke kitab kay sab warq hil gyay
Taire yea kahani bhe, muqadas nahe rahie
Waqtoun kay khail nay mughy mohra bana lea
Ab khud say chaal chalnay ke jurat nhe rahie
Nanhay say jis podhay ka beejh mai nay tha boya
Phal us ka he khanay ke ijazat nhe rahie
Jis shaks ko rafaqtoun say laad say rakha
Ab dil ko us say milnay ke hajat nhe rahie
Is dil ko tou samjha lain hum par dil nhe karta
Aik or zakham khaanay ke himat nhe rahie”